Colexos de Riañu

Les descripciones (usu d' axetivos). Cuartu de Primaria

Estes son dalgunes de les persones a les que describimos. Tamién facíamos entrugues porque nun yeren munches les pistes que mos daben...

Ye baxu, mariellu, gústa-y el fútbol, tien los pelos de punta y canta.
Lucho de los Lunis

Ye alta, flaca, guapa, moderna, simpática y feliz y ye famosa
Maria Isabel, cantante

Ye fea, ye baxa, tien la ñariz grande y ye mui mala. Come neños
La bruxa de Hansel y Gretel.

Tien pelo castaño, gústa-y l’ agua y ye alta.
Irma de les WITCH

Ye altu, ye fuerte, tien melena y ye guapu.
Rafa Nadal, tenista.

Tien pates llargues, ye mui altu, gris, ye un poco traviesu ye bonu
Bugs Bony, el coneyu de la suerte

Ye alta, tien pelo llargo, ye rubia, llista y tamién ye maga.
Hermione de “Harry Potter”

Ye baxu, guapu, fuerte, melena corta. Ye bonu y simpáticu
Fernando Alonso, piloto de fórmula 1

Tien pelo negro, ye altu, fuerte y toca flamencu, ye famosu
Miguel, guitarrista (pá)

Equí tán los dibuxos d' estos personaxes por si vos apetez echa-yos una güeyada.

EQUÍ TÁN LOS ESCOLINOS DE TERCER CICLU DE PRIMARIA

Ésta ye la nuesa clas de tercer Ciclu del Colexu LA LLAMIELLA
Nesta semeya podemos velos trabayando n' equipos, tán
faciendo una escenificación como exerciciu de fala sofitáu
na escritura previa curiando la ortografía y gramática.

Nel primer planu vense a los escolinos de Quintu y nel fondu los de Sestu.

Festival navideñu

Nel Clara Campoamor preparamos pal festival les actuaciones de los escolinos de tola Primaria con cancios y representaciones... El canciu de “Doña Selmana, la retafila “Tengo un vieyu en casa”, pidimos l’ aguilandu, escenificamos “Yera la princiesa d’ un país” y hasta inventamos la nuestra obrina de teatru... equí podéis ver los ensayos con tola seriedá que pide la ocasión

UN CARBAYU COCOTERU

Esti llibru d’ Enrique Carballeira presta muncho pola intriga dende ‘l títulu que yá de por sí da munchu xuegu. ¿Cómo pue un carbayu dar cocos? ¿Será una mutación?, ¿la lluvia ácida? ¿El cambiu climáticu? ¿los estraterrestres? Estes y munches otres posibilidaes se-yos pasen pela tiesta yá enantes d’ entamar la llectura. Llueu vamos pasu ente pasu conociendo a los peculiares personaxes d’ esti pueblín mariñán y otros munchos que s’averen al pueblu pa ver talu fenómenu, hasta la tele tresmite en direutu... y tratamos d’ anticipar per ónde discurrirá la trama... La intriga mantiénse y fai que nos metamos de llenu na hestoria y sigamos con munchu interés les investigaciones de los grandes detectives Quique y Quecu que son más llistos que los adultos... En fin, que nun vos defraudará esti llibru con lletra grande y perguapos dibuxos qu’ilustren la hestoria.

Estos son los mios colexos

Atópense en Llangréu nel distritu de Riañu.

El más antiguu ye ‘l de LA LLAMIELLA, nome que-y vien pola fonte que ta pela parte antigua del pueblu, como la población creció enforma fízose pequeñu y construyeron el CLARA CAMPOAMOR.

Los dos colexos tán ún frente l’ otru; de mano teníen primer ciclu de Secundaria pero dende va unos pocos años, pese a les protestes y manifestaciones de los vecinos que nun queríen llevar los fíos a La Felguera, quedaron como centros d’ Infantil y Primaria, nestos momentos les rellaciones son cordiales ente los dos colexos. Los dos tienen xornada continua y fáense actividaes peles tardes.